  |
    |
放大假竟然落雨，放完假竟然出太陽，這周心情有點灰，上述只是其中一個原因。講到底，就是不甘心。
於是繼上周日後，周六(7月19日)再戰長洲，大家或者覺得我無聊透頂，但每次「回鄉」，我都會有些有趣的新發現。
中午天氣看似不錯，來到中環見到尚可稱做「藍天白雲」的天空。
到了長洲，尚未開始陰天，但陽光竟開始「收歛」，不過總好過上周的情況。(詳情唔該睇番之前長洲行，照片是一同角度的，但天氣就......)
但不久後長洲又再陰天，想點......
今次同樣帶蕉人出街玩，它終於可以不怕濕身站在景點前拍照。身後是玉虛宮(北帝廟)，每年太平清醮都旺到爆，相信情況不用再多說。
拍照途中有外國遊客及居民過來八卦。耳畔傳來他們的對話，當然有些是外語。
1. 居民同佢個仔講：「嘩，原來係香蕉！同公仔影相，傻架？」然後繼續行路返屋企。
2. 有相信是來自新加坡的遊客同身邊小朋友講(係講英文)：「Oh，你睇下，好得意，係香蕉公仔！」然後繼續落樓梯。
(閱讀全文)
早前與友人打算四出看看舊建築，不過始終未能成行，這天獨個兒到了港島西區逛逛。看過一本雜誌介紹這區的有趣「景點」，便打算依樣葫蘆走走。
由上環步往高街，再經醫院道轉落荷李活道，短短的路程卻走了兩三小時。沒有帶雨傘出門，天陰著，出奇的沒有一滴雨，在連下了幾天雨之下，已算幸運。
坐地鐵到上環站，原本打算坐電車到東邊街，再步行到高街開始行程，但眼見地圖由上環站步到高街好像不遠，於是便完全中招......
沿途有部份舊樓已經丟空，連窗戶亦封起來。
由德輔道西轉入東邊街，是一條斜得要命的上山道路(對我而言是的！)。沿路見到一檔在小巷經營的織補小店，暗暗的窄巷只靠幾支小光管照著，婆婆就利用這微量的燈光，在放大鏡下修補衣服。
這個年代，相信很多人對織補比較陌生，這門專得很的手藝，相信已沒有多少人懂了。
(閱讀全文)下周六終於開始我的大假，沒有期待的心情，亦沒有早早計畫「做乜做物」，只因自己不是一個「唔去旅行會死的人」，反而覺得躲在家看書更好，大假或者會抽點時間帶我的domke出去吹吹風吧！(哈哈，講到淨帶佢，唔帶機咁樣。好驚支鏡發霉......) ! 真係求下你唔好落雨住啦！
政府都話行山要做好準備，小妹為了這次大假，都有過 "DD"準備咁大把：買了一大堆書回家。原先想去尖沙咀買日本書，不過行雷落雨，旺角算喇！
我好聽陳以誠醫生話架，所以我由長沙灣行到去旺角，好彩冇落雨，中途仲去左花園街金華食下午茶餐A，嘩，多人到爆，蛋撻好好味......然後去樂文同田園。
朋友問點解唔等書展買，唉，試過咁多年，都知新書折扣差唔多，又人多迫餐勁，行得唔舒服，仲要長時間作戰，老人家邊有咁好力水，我寧願依家慢慢行慢慢買。
戰利品頗多，其實都知道一個大假怎會看得完，不過平時沒時間買書，買定啦！
戰利品如下：
1. Frank SCHATZING《群》(姓氏A字上面有兩點，但我打唔到)
向來都不太愛看勁長篇小說，不過講到咁好睇，咪買來睇下囉。都貴架，分上下集，折完都$116。佢有出一大本精裝硬皮的，但未睇價錢見到個樣已經決定唔會買，一本書但兩本電話簿咁厚，點帶出街睇？想知幾錢？Sorry，我真係諗都唔諗就買軟皮版，所以真係冇睇價錢。其實科幻懸疑果類我都OK，希望好睇啦！
2. Frank SCHATZING 《海》
姐妹作喎，咪買埋囉，就係咁簡單！盛惠93個大洋吖，多謝！
3. Mitch Albom 《再給我一天》
《最後14堂星期二的課》、《在天堂遇見的五個人》都已經睇過，呢本亦唔例外，但睇過點解又要買呢？因為想重睇。不過我點解會睇過呢本書呢？邊個借俾我睇架呢？其實我係咪買過呢？如果我有買過，呢個作者o既書我一定Keep架喎？但點解我呢排搵書櫃D書會唔見有呢本書呢......大量問題在我手執呢本書時湧上大腦。
4. Garth Stein《我在雨中等你》
書名好似愛情小說，但實情係從一隻狗的眼晴去睇番人性。唉......我自己都唔明白自己，隻狗係咪真係咁明白我？
5. John Boyne《穿條紋衣的男孩》
同事早前講過話好好睇，但冇講過係咩內容，最初聽書名仲以為係張小嫻出品，但今日見到先知原來錯晒。封面係我最鍾意o既公仔－－睡衣香蕉(Banana in Pyjamas)件睡衣o既花紋，好親切。內容係關D小朋友事，但封面竟然印住關埋你、我同佢地事 (「這不只是關於兩個男孩純真友誼的故事，也是關於你們、我們和他們的，一則生命的寓言」)，咁係咪即係關所有人o既事？
6. Markus Zusak 《偷書賊》
同事又一介紹，佢男友睇過話好睇，希望係真架啦！特價完都75蚊架！又鬼咁重......
p.s. 大約個多小時後，終於有人幫我搵到答案，原來"再給我一天"係鐳射細妹借我睇架，多謝鐳射細妹!!!!!!!!
